Jaareindfunksies

Die Stellenbosse Heemkring beskou elke Jaareindfunksie as n hoogtepunt van die jaar se aktiwiteite. Oor die jare het die gebruik ontstaan om dit op een van die talle plase in die omgewing te hou, en in hierdie opsig is die Heemkring dankbaar vir die ondersteuning wat ons geniet van die betrokke eienaars. Dit gee die lede ook geleentheid om in voeling te bly met van die mooiste dele in die land. Die pragtige historiese omgewing van Stellenbosch bly maar die trots van alle inwoners van die dorp.

Lanzerac, 2019

Die Heemkring het op Saterdag, 23 November 2019 die voorreg gehad om n uitspappie na Lanzerac te maak. Wat n uitsonderlike geleentheid was dit nie! Ons gasvrou was Lourensia Bronkhorst, wat die lede getrakteer het met versnaperings uit die boonste rakke. Teen die agtergrond van interessante blomrangskikkings en outydse swier het Hennie Vos insae verskaf oor die plaas en spesifiek die lokaal waar die onthaal plaasgevind het. Die saal (n historiese wynkelder), sowel as aangrensende geboue het groot skade in die brand van 2017 gely, en Con van der Colff, projekleier van die restourasie, kon interessante uitdagings van die herstelproses met die lede deel. Daarna het die lede kans gehad om die omgewing te besigtig. Lanzerac is werklik n prel van ons omgewing!

Baie dankie aan ons gasvrou, Lanzerac personeel, Hennie Vos en Con van der Colff vir die interessante vertellings, asook die Heemkring bestuur vir die relings.

Fotos Willem Malherbe

pic1

pic2

pic3

pic4

pic5

pic6

pic7

pic8